Plantun de Prouvènço

Pèr coumpara dos planto d'encò nostre

Humulus lupulus & Carex divulsa

Óubloun

Humulus lupulus

Cannabaceae

Àutri noum : Barbouto, Vigno-dóu -Nord.

Noms en français : Houblon, Houblon grimpant.

Descripcioun :
Cadun counèis li pigno (enflourejado) dóu óubloun que douno à la biero soun goust. Es uno planto coumuno au nostre dins li relarg umide e proche d'aigo. Se recounèis peréu à si fueio di tres partido (de cop que i'a entiero) e à si lòngui liano.

Usanço :
Aleva pèr la biero, li pigno podon perfuma mant uno bevèndo o èstre manjado. Ajudon à dourmi (dins d'ùni relarg se n'en fai de coussin). Fau saupre peréu que li jóuini cambo soun manjadisso coume d'espargo. Ei poussible d'utilisa li tijo pèr la banastarié.

Port : Liano
Taio : 1 à 20 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Humulus
Famiho : Cannabaceae

Ordre : Rosales

Coulour de la flour : Verdo
Petalo : ges
Ø (o loungour) flour : 3 mm
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero - Prado umido - Baragno
Estànci : Mesoumediterran à Mountagnard
Couroulougi : Bourealo
Ref. sc. : Humulus lupulus L., 1753

Queirello(-dis-espiguet-dessepara)

Carex divulsa

Cyperaceae

Nom en français : Laîche à épis séparés.

Descripcioun :
La queirello-dis-espiguet-dessepara èi pulèu eisado de recounèisse emé soun espigo facho d'espiguet separa long de la cambo. L'espiguet d'en bas porto en generau un bratèio pu longo. Li fueio an de 2 à 5 mm de larjo ; li racino coupado soun bruno.

Usanço :
La baso di fueio d'aquesto queirello èro manjado en Anatolìo.